Автоөндіруші Escalade-тың радиатор торын ұлғайтып, алдыңғы оптикасы мен бамперін, қапталдық панелдерін жаңартты. Сонымен қатар 22 дюймдік дискілер орнатқан. Нәтижесінде модель қымбат жол талғамайтын көліктерге тән агрессивті кейіпке енді.
Машинаның көлемі де артты. Енді ұзындығы — 5382 мм, ені — 2059, биіктігі — 1948 мм, дөңгелек базасы — 3071 мм.
Жаңа Escalade-тің интерьері тоғыз комбинацияда орындалған. Былғарымен қапталып, көркем тігілген жұмсақ орындықтардың үш қатарында ағаш элементтер бар.
Көлемі 38 дюйм болатын үш OLED монитор ерекше көзге түседі. Одометр көрінетін сол жақтағы экраннан ортадағы мониторды басқаруға болады.
Бірінші монитор — бұл стандарт мәзір, 360 градусты қамтитын камера, Apple CarPlay, Android Auto жүйесі мен 38 динамигі бар AKG акустикалық жүйесінен тұратын мультимедиа.
Ортаңғы консольде көп аймақты климат-бақылау жүйесін басқаратын панель, тоңазытқыш, телефонды сымсыз қуаттайтын шағын қуыс, үстіне стақан қойғыш орнатылған жабық бокс бар. Көліктің артқы бөлігіндегі камера түсірген сурет артқы көрініс айнасына шығады.
Екінші қатардағы жолаушылар климатты баптап, мультимедиа жүйесінің мониторын қоса алды. Сонымен қатар мұнда USB-порт пен 12 вольттық резеткі бар.
Үшінші қатарға өту үшін алдыңғы қатардағы орындықтарды бүктейтін электр жетекті қосса болды. Соңғы орында смартфон қуаттайтын USB-порттан басқа ештеңе жоқ.
Жүксалғыш есігі аяқ қимылдатып ашу мүмкіндігін беретін ерекше функцияға ие.
Стандарт модельдегі багаж бөлімінің көлемі — 722 литр, орындықтарды бүктесе 3089 литрге артады.
Техникалық жағына келер болсақ, жаңа Cadillac Escalade екі түрленімде ұсынылады. Алғашқысы — 420 ат күші мен 623 Нм момент беретін 6.2 литрлік бензинді V8. Одан бөлек 3 литрлік дизельді қатарлы алтылық (277 а. к.; 277 Нм) қолжетімді. Екеуі де 10 сатылы автоматпен жұмыс істейді.
Комментариев: 0