Жаңа буындағы Toyota RAV4 сынақтан өтіп жатыр

Toyota ең танымал моделі RAV4 кроссоверінің алтыншы буынын жол сынағына шығарды. Солтүстік Америка мен Жапонияда сынақтан өтіп жатқан прототиптің тыңшылар түсірген суреті жарияланды.

Буыны ауысқанымен, RAV4 қазіргі шанақ құрылымын сақтайды. Камуфляжбен қапталғанына қарамастан прототиптің сұлбасы мен тірек формасы қазіргі модельге ұқсайтынын байқалады. Бірақ алдыңғы бөлігі жаңарыпты. Ол концерннің Camry, bZ4X қатарлы жаңа өнімдері сияқты жаңа радиатор торы және өзгеше оптикамен ерекшеленеді.

Интерьерінің суреті жарияланған жоқ, бірақ салоны технологиялық тұрғыда жақсарады деген ақпарат бар. Бренд кроссоверге 12.3 дюймдік екі дисплей орнатады, архитектура концепциясы Camry-ден алынған болуы мүмкін. Сондай-ақ машинада үздік медиасервис, жаңа электронды көмекшілер және жақсарған әрлеу материалы болады.

Кроссовер TNGA-K платформасын, бензинді және гибрид күштік құрылымын сақтайды. Бірақ марка отын шығынын азайтып, қуатын арттыру мақсатында агрегатты жаңартады. Модельдің толық электрлі нұсқасы шығуы мүмкін.

Яғни буыны алмасқан RAV4 аса көп өзгермейді, Toyota әдейі осындай саясат жүргізіп отыр. Бұған дейін концерн қазіргі клиенттерін үркітіп алмау үшін кроссоверді жаңартуда аса сақ болатынын хабарлаған. Өзгеріс модель саудасына кері әсер етпеуі керек. Бренд жаңа RAV4-ті 2025 жылы таныстырады.