Жаңа буындағы Kia Telluride-тың алғашқы фотосы

Kia-ның Америкадағы бөлімшесі екінші буындағы Telluride кроссоверінің алғашқы фотосын жариялады. Одан модель дизайны біршама өзгергені байқалады. Техникалық сипаттамасы қазірше белгісіз, бірақ қуатты гибрид құрылыммен жүретіні белгілі. Жаңа модельдің тұсаукесері 20 қарашада Лос-Анджелес автосалонында өтеді.

Telluride-тың шанағы айтарлықтай өзгерген. Дөңгелек аркасы сәл шығыңқы орналасқан, артқы жағында үлкен спойлер тұрады. Тік күндізгі жүріс шамы бар негізгі жарық техникасы бұған дейін фототыңшылар түсірген машинадағы оптикамен бірдей.

Кроссовердің базалық моторы 290 ат күшіне ие (350 Нм) 3.5 литрлік V6 болады деген ақпарат бар. Telluride-тың ең үздік комплектациясы 2.5 литрлік 4 цилиндрлі моторға негізделген гибрид құрылыммен жүреді, агрегат 330 ат күші мен 460 Нм береді. Бірақ ол электр қуатымен жүре алмайды. Жаңа топтамаға Hyundai Palisade XRT Pro сияқты тағы бір «жол талғамайтын» түрленім қосылады.

Kia Telluride АҚШ-тағы сұраныс жоғары ірі кроссоверлердің бірі. Модель биыл сауда нәтижесі бойынша рекорд орнатуы мүмкін.