Бавариялық спорттық машиналардың пайда болуы бұған дейін құпия болмаған, сондықтан біз оған тоқталмаймыз. Қарапайым нұсқалардан жаңа BMW M3 мен M4 шанақ қатаңдығы, электронды басқарылатын амортизаторлары бар адаптивті аспасы және ауыспалы беріліс қатынасы бар рөлімен ерекшеленеді. Шанақ түсі жаңа реңктермен толыққан: сары Sao Paulo Yellow, қызыл Toronto Red және жасыл Isle of Man Green.
480 а. к. және 550 Нм беретін жаңа М капотының астында твинтурбиналы алтылық орналасқан. Ол 6 сатылы механикамен жұптасып, жүзге дейінгі жылдамдықты 4.2 секундта бағындырады. Drivelogic функциясы бар 8 диапазонды Steptronic автоматы орнатылған Competition нұсқасының параметрлері 510 а.к. мен 650 Нм құрайды, ал жүзге дейін жылдамдықты спурт бар болғаны 3.9 секундта алады.
Ескі M5 моделінен алынған белсенді артқы дифференциалы бар xDrive толық жетек жүйесі, алдыңғы осьті өшіре алады, Dynamic Mode режимі дрифт жасауға мүмкіндік береді.
M3 және M4-тің стандарт жылдамдық лимиті өзгерген жоқ және 250 км/сағ белгісімен шектелген, тек M Driver’s пакетінің иелері ғана жылдамдықты 290 км/сағ жеткізе алады. Жылдамдыққа құмар жүргізушілерге Drive Professional пакеті, телеметрия жүйесі мен трекшн-бақылауы, спорттық орындықтар, карбон-керамика тежегіштер, арнайы дискілер қолжетімді болады. Сондай-ақ қосымша ақы төлесеңіз, жарықдиодты шам орнына лазер шам және көміртекті талшықпен нығайтылған шатыр орнына люгі бар болат шатырды тегін орнатуға болады.
Жаңа М-нің сатылымы наурыз айында басталады, марка алдымен артқы жетекті, ал жаздан бастап толық жетекті нұсқасын ұсынады. Бағалары әлі айтылмады.
Комментариев: 0