BMW АҚШ-та 2022 жылдан кейін шыққан 278 мың автомобильді сервиске шақырды. Олардың тежеу жүйесінде функционалдығын төмендетіп, тежеу қашықтығын ұзартатын ақау бар. BMWblog хабарлағандай, Германия мен Аустралиядағы мыңдаған BMW өнімінен осындай проблема табылған, бірақ олардың нақты саны белгісіз.
Кезекті кампания BMW ақпанда АҚШ-та жариялап, көктемнің аяғында Еуропаға жеткен сервистік науқанның жалғасы. Ол акция Солтүстік Америкадағы 80 мыңға жуық, Германиядағы 47 мыңға жуық машинаны қамтыды. Ол кезде тежеу жүйесінің бір бөлігі болған электронды блоктан ақау табылған. Ақауға байланысты жылдамдықты төмендету үшін педальді қаттырақ басуға тура келеді. Сондай-ақ BMW проблема ABS және тұрақтандыру жүйесінің жұмысына да әсер етуі мүмкін екенін хабарлады.
Проблема электронды контроллердің бірін ауыстыру арқылы шешіледі. АҚШ-та X1, X7 және XM кроссовері, сондай-ақ 5 және 7-сериялы модель иелері сервис орталығына барады. Дереккөз Германияда 175 мың машинаны, ал Аустралияда 30 мың автомобильді ақау жөнделгенге дейін клиентерге беруге тыйым салынғанын хабарлады.
Сервистік кампания BMW топтамасымен шектелмеуі мүмкін. Бавариялық модельдердің MINI және Rolls-Royce өнімдерімен техникалық интеграциясы бар, демек олардың да тежеу жүйесінен ақау табылуы мүмкін.
Комментариев: 0