Жаңа бэтмобиль маслкарға ұқсайды

Роберт Паттинсон 2021 жылы шығатын фильмде басты рөлді сомдайды.

Комикстің 80 жылдық тарихында бас қаһарманның келбеті сан мәрте өзгерді, оның көлігі де түрленген.

Жуырда «Твиттерде» фильм үшін арнайы құрастырылған жаңа бэтмобильдің суреттері жарияланды. Ол 70 жылдардағы маслкарды еске салады. Машинаның тікелей прототипі жоқ, дизайнер Dodge Charger мен Chevy Camaro-дан шабыт алған сияқты.

Р. Паттинсон тізгіндейтін темір тұлпардың шанағы мүлде өзгеше. Қозғалтқыш жүргізушінің артында орнатылған. Ол F-сериялы ірі пикаптарға қойылатын «Фордтың» Triton V10-ы.