Жаңа Aurus көліктері тізбекті гибридке айнала ма?

Қазіргі ЕМП архитектурасының өмірлік циклі бірнеше жылдан кейін аяқталады. Осы мерзімге, нақтырақ айтқанда 2030 жылғы инаугурацияға қарай НАМИ мамандары қазіргі модельден сырт келбетімен және интерьерімен ғана емес, техникалық жағынан да ерекшеленетін Aurus Senat-тың екінші буынын дайындауды жоспарлап отыр.

«Русский автомобиль» Telegram-каналы автомобильдің күштік құрылымы параллель гибридтен тізбекті гибрид жүйесіне көшеді дейді. Мұнда іштен жанатын қозғалтқыш тек электр энергиясын өндіретін генератор ретінде жұмыс істейді. Aurus-тың толық электрлі нұсқалары шығуы ықтимал. Компания машиналардың шанағын толықтай алюминийден жасап, жолтабаны 50 мм кеңейетін және артқы дөңгелектері 17 градусқа дейін бұрыла алатын толық басқарылатын шасси әзірлеп жатыр екен.

Өндіруші сутекті күштік құрылымды (эксперименттік Aurus Hydrogen жобасы) әрі қарай дамыта ма, жоқ па, әзірге белгісіз. Кремльдегі басшылар үшін мұндай технология аса маңызды шарт емес сияқты. Жеке клиенттер арасында Aurus көліктері әлі сұранысқа ие бола қоймады.