Жаңа Audi A6-ның allroad нұсқасы шығады

Жаңа буындағы Audi A6 топтамасы allroad түрленімімен толықты. Жаңа нұсқа толыққанды кроссоверлермен бәсекелесе алады. Жол талғамайтын универсал алдыңғы буындарымен бірдей принципте жасалған: пневмоаспа, биік клиренс және қорғаныс бастырығы бар.

1 / 10

Audi A6 allroad TDI quattro

1 / 10

Жаңа A6 allroad-тың ұзындығы (5016 мм) стандарт A6 Avant-пен (4999 мм) шамалас. Бірақ ені (1986 мм) әдеттегі универсалдан — 111 мм, алдыңғы буындағы allroad-тан 88 мм артық.

Автомобиль 299 ат күшіне ие (580 Нм) 3 литрлік турбодизель (V6) және 24 ат күшіне ие стартер-генератор жұбымен немесе қуатталатын гибрид жүйемен жүреді. Соңғысы allroad-та алғаш рет пайда болып отыр. Ол 2 литрлік бензинді турбомотор мен электромотордан тұрады. Екеуі бірге 367 ат күші мен 500 Нм береді. Батарея сыйымдылығы — 25.9 киловатт, мұндай машина электр қуатымен 95 км жол жүре алады.

1 / 4

Audi A6 allroad TDI quattro

1 / 4

A6 allroad-тың клиренсі стандарт «Аванттан» 34 мм биік. Сондай-ақ пневмоаспаның арқасында оны 55 мм диапазонында реттеуге болады. Универсал 35 км/сағ жылдамдықпен қозғалғанда клиренсті 35 мм көтеруге, ал трассада жүргенде 20 мм төмендетуге мүмкіндік бар. Модельдің борттық электроникасы жылдамдық 120 км/сағ-қа жеткенде машинаны автоматты төмендетеді.

1 / 6

Audi A6 allroad e-hybrid quattro

1 / 6

Жаңа A6 allroad толық басқарылатын шассиімен мақтана алады. Артқы дөңгелекті басқару жүйесі гибридтің стандарт комплектациясында бар, ал дизельді универсалға бұл жүйені қосу үшін қосымша ақы төлеу қажет. Автомобиль бағасы Германияда 77 250 еуродан (43.7 млн теңге) басталады.

Комментариев: 0