Қазіргі таңда Toyota-ның көліктер қатарында бір де бір электромобиль жоқ. Тек гибридті һәм сутекті көліктер ғана. Жуық арада бұл жағдай түбегейлі өзгереді. Компания электрлендірудің жаһандық жоспарын жария етті.
Оның алғашқы сатысы — Жапонияға арналған қалалық көлік шығару. Renault Twizy-ге ұқсас шағын электромобиль әзірлеу, i-Road-тің екінші буынын және электросамокаттар шығару да жоспарда бар. Бұл тізімдегілердің біразын біз 2020 жылы көреміз.
Екінші саты — электромобильдерге арналған модульдік платформаны әзірлеу. Оны e-TNGA деп атайды. Бұл жұмысқа Subaru инженерлері де қатысады. Toyota осы платформаның негізінде электрокарлардың седаннан басталып, минивэнмен аяқталатын ауқымды топтамасын шығаруды жоспарлап отыр. Ең алдымен Subaru-мен бірге жобаланған C-класты кроссовер жасалады.
«Тойота» мамандары батареяларды да ұмыт қалдырмады. Инвестициялардың арқасында жаңа аккумулятор жасалады. Бұл мәселені шешуге Panasonic және Primearth EV Energy компаниялары көмектеседі.
Комментариев: 0