CX1E деген атпен белгілі Zeekr кроссоверінің ресми фотосуреті жарияланды. Электрокар бренд топтамасындағы алғашқы ірі кроссовер болады, ол биыл жыл аяғына дейін саудаға шығады деген ақпарат бар.
Камуфляжбен қапталған электрокардың сырт пішінінде тосын сый жоқ екені белгілі болды. Zeekr CX1E басқа модельдерден таныс шанақ бастырығы, пластик бампер және 007 седанынан белгілі оптикамен жабдықталған. Фотосуреттен седанның өзіне тән ерекше белгісі — шанақтың алдыңғы жағын бойлай орналасқан диодты панель көрінбейді. Ал төбедегі лидар анық көрініп тұр.
Кроссовер 007 платформасына негізделген, күштік құрылымы мен батареясы осы модельмен бірдей болады. Жаңа өнімнің жүріс қоры 700 шақырымға жетеді. Zeekr X1E шағын X моделінен бір саты жоғары тұрады. Компания жаңа өнімді отбасылы клиенттерге арнап жасаған.
Электрокар атауы қандай болатыны қазірше белгісіз. Бұған дейін кроссовер Arc деп аталады деген болжам болған. Бірақ Weibo желісі кроссовердің индексі оның ерекше камуфляжында жасырылғанын хабарлады. Демек кроссовер нарыққа Zeekr ZX деген атпен шығуы мүмкін.
Компания биыл басқа жаңа өнім шығармайды, бірақ 2025 жылы бірден үш моделі жарық көреді. Оның екеуі CX1E-ден үлкен жол талғамайтын көлік, ал үшіншісі Еуропаға арналған Zeekr 007 платформасына негізделген универсал болады.
Комментариев: 0