Zeekr отбасылық электрокроссоверін таныстырды

Zeekr Чэнду автосалонында 7X индексті алғашқы отбасылық жаңа моделін таныстырды. Электркардың негізгі бәсекелесі Tesla Model Y болады, бірақ Zeekr 7X сипаттама жағынан одан сәл жақсырақ, салоны кеңірек және арзанырақ болады. Барлық техникалық сипаттамасы мен бастапқы бағасы да белгілі болды. Автомобильдің құны 239 900 юаньнан (шамамен 16 млн теңге) басталады.

1 / 7

• 
• 
• 
• 
• 
• 
• 

1 / 7

Машина Geely SEA платформасының 800 вольтты нұсқасына негізделген. Өлшемі — 4825×1930×2925 мм, дөңгелек базасы — 2925 мм, осылайша Model Y-дан үлкенірек. Жүксалғыш көлемі 616 литр, 20 дюймдік дискілер орнатылады. 7X сырт келбеті Zeekr 007 седанына ұқсайды, тек шанақ түрі өзгерген. Электрокар мәтін мен анимация көрсете алатын Zeekr Stargate жарықдиодты панелін алды.

1 / 5

• 
• 
• 
• 
• 

1 / 5

Интерьері Қытай нарығына тән стандартқа сай жасалған, бірақ өзіндік ерекшеліктері де бар. Дизайнерлер 13 дюймдік аспаптар панелін күнқағардың астына жасырған, ал трансмиссия селекторын рөл жаққа орнатқан. Салонда физикалық батырмалар өте аз, батырмалар тек рөлде және 15.05 дюймдік ортаңғы дисплейдің астындағы шағын панельде бар, онымен негізгі функцияларды басқаруға болады. Медиажүйе Snapdragon 8295 чипімен жабдықталған.

13 дюймдік тағы бір экран алдыңғы жолаушы орындығының артына жайғасты. Оң жақ артқы орындық креслосы жылжымалы. Мамандар шынтақ тіреуіштің артына (Tesla-ға ұқсатып) сенсорлы панель орнатты, екінші қатар жолаушыларын климатты, музыканы және т. б. реттей алады. Барлық орындықта жылыту және желдету бар.

Ең арзан Zeekr 7X 421 ат күшіне ие бір электрлі мотормен және 75 киловаттық литий-фосфатты Golden Brick батареясын алады. Мұндай қозғалтқышпен CATL компаниясының 100 кВт⋅сағ батареясын да үйлестіруге болады. Ең үздік модификация 646 ат күші бар екі қозғалтқышпен жүреді. Жүріс қоры 605-780 шақырымға жетеді. Батареяны 10.5 минутта 10-нан 80 %-ға дейін қуаттауға болады. Ең қуатты Zeekr 7X алғашқы жүздікті шамамен 3 секундта еңсереді, максимал жылдамдығы — 210 км/сағ.

Ең үздік комплектациялар клиренсті 190-230 мм аралығында реттеуге мүмкіндік беретін пневматикалық аспа және бейімді амортизаторлармен жабдықталады. Компания қымбат модификациялардың бағасы 300 мың юаньнан аспайды деп уәде берді. 2025 жылы Zeekr 7X Еуропа нарығына ресми түрде шығады, сондықтан модельдің Қазақстанға келу ықтималдығы жоғары.