Zeekr Mix минивэнінің өндірісі басталды

Zeekr шанақ құрылымы еркеше, салоны түрленетін Mix минивэнінің сериялы өндірісі басталғанын хабарлады. Вэн жалғыз әрі өте қуатты қозғалтқышпен жарық көреді.

Zeekr Mix жаңа SEA-M архитектурасына негізделген. Марка платформаны әзірлеуге 7 миллиард юань (бір миллиард доллар) жұмсады, демек Mix-тен кейін бұл платформада тағы бірнеше модель жасалатыны анық.

1 / 9

• 
• 
• 
• 
• 
• 
• 
• 
• 

1 / 9

Минивэннің ұзындығы — 4688 мм дөңгелек базасы — 3 метрден асады. Соның арқасында Zeekr Mix-тың салоны өте кең. Сондай-ақ электромобильдің есік құрылымы өзгеше болады. Жүргізуші есігі ғана дәстүрлі әдіспен ашылады, ал қалғаны сырғымалы, оның үстіне Mix-те ортаңғы тірек болмайды.

Вэннің алдыңғы креслосын қозғалыс бағытына қарсы артқы диванға қарай бұруға болады, сондай-ақ олар салон ішінде қозғалады. Жиналмалы үстелі бар ортаңғы консольді де жылжытуға болады.

1 / 6

• 
• 
• 
• 
• 
• 

1 / 6

Сериялы Zeekr Mix артқы осьтегі 421 ат күшіне ие бір электромотормен жүреді. Агрегат бұған дейін 7X, 007 сияқты Zeekr модельдеріне қойылған. Сыйымдылығы 77 кВт⋅сағ батареяның арқасында машинаның жүріс қоры 550 километрге жетеді. Zeekr модельге кейін басқа күштік құрылымдар орнатуы мүмкін.

Компания Mix Қытай автонарығында жаңа сегментке жол ашады деп сеніп отыр, өйткені вэн құрылымындағы барлық ерекшелікті ескерсек өз елінде оған бәсекелес жоқ.