Zeekr кроссоверінің интерьері белгілі болды

Компания 2024 жылдың аяғына дейін топтаманы жаңа орта өлшемді кроссовермен толықтыруды жоспарлап отыр. Оған қатысты ресми мәлімет әлі жарияланбады, бірақ кейбір ақпарат белгілі. CarNewsChina мәліметінше CX1E индексті кроссовер 007 платформасында әзірленіп жатыр және оған өте ұқсас болады, бірақ шанағы өзгереді.

1 / 5

• 
• 
• 
• 
• 

1 / 5

Фототыңшылар болашақ жаңа өнімнің сырт келбеті және интерьері түскен суреттерді жариялады. Zeekr CX1E алдыңғы бөлігіндегі сызықтары мен бірқалыпты пішіні арқылы шынымен 007-ні еске салады, бірақ артқы жағы шығыңқы. Басылым кроссовер анимациялық суреттер мен хабарламаларды көрсететін 90 дюймдік диодты панельмен және ұқсас жарық техникасымен жабдықталады деп жазды.

Интерьер архитектурасында 007-ден айтарлықтай айырмашылық байқалмайды, бірақ кроссовердің рөлі 001-дікіне ұқсайды. Кроссоверге 15 дюймдік ортаңғы дисплей және Snapdragon 8295 чипі бар медиажүйе орнатылады.

Модель 421-646 ат күшін беретін күштік құрылыммен жүреді. Мамандар оны кроссоверге өзгертпей орнатуы мүмкін. Батареялар жинағына CATL аккумуляторлары және Geely концерні әзірлеген жылдам қуаттауға мүмкіндік беретін блоктар кіреді, олар 700 километрге жететін жүріс қорын қамтамасыз етеді. Zeekr CX1E бастапқы бағасы — 240 мың юань (шамамен 15.5 млн теңге), топтамада Zeekr X-тен бір саты жоғары тұрады.

Болашақта 007 топтамасы универсал, кроссовер және ірі минивэнмен толығады.