«АвтоВзгляд» басылымы CarClick.ru аукционының негізін салушыға сілтеме жасап, Ресейдің импорттаушылармен белсенді ынтымақтасып келе жатқан Қытайдағы автодилерлер жақында Geely компаниясынан 30 маусымнан бастап Ресейге Zeekr премиум модельдерін жеткізуге тыйым салынатыны туралы ресми хат алғанын хабарлады.
Әзірге сауда өкілдіктері бұдан бейхабар және саудасын жалғастыруды жоспарлап отыр. «Китайские автомобили» сайты аспан асты еліндегі дереккөздерінен ақпарат алып, параллель экспортты шектеу туралы мәлімет рас екенін анықтады.
Қытайдағы дереккөздердің ақпараты бойынша, бұл қадам екі себеппен жасалған. Біріншісі — Zeekr ресми саудаланатын елдердің нарығын қорғау (Ресейде Zeekr ресми сатылмайды, барлығы сұр импорт). Екіншісі — автопарктің Қытай нарығына арналған көліктерге толуына жол бермеу.
«Автостат» агенттігінің мәліметінше 2023 жылдың қорытындысы бойынша Ресейде Zeekr 001 ең көп сатылған электромобиль (2914) болды. Қазақстанда да бұл марка сұранысқа ие. Бейресми деректерге сүйенсек, елде кемінде 2000 «зикр» бар.
Комментариев: 0