26 шілде күні Zeekr өз отанында ғана сатылуға тиіс модельдерінің экспортын бақылауға алып, шетел асқандарын бұғаттайды деген ақпарат тарады.
Одан бұрын Қытайдағы экспорттаушы компаниялар осындай болжам жасаған, кейін Tengri Auto басылымы Zeekr International-дың ресми мәлімдемесін жария етті.
Kolesa.kz редакциясы марканың Қазақстандағы өкілдігіне хабарласты. Сөйтсе, олар компанияның ондай шешімінен бейхабар екен.
Біз Zeekr-дің Қазақстандағы ресми дистрибьюторы ретінде өндірушіден ақпарат алмадық. Өндірушінің ресми ресурстарында да ондай мәлімет жоқ. Сол себепті расталмаған ақпаратқа қатысты пікір білдіре алмаймыз, деді Orbis Auto.
Тұтынушылар мен бизнесмендер еш уайымдамаса бола ма? Оған күмәніміз бар.
Қазақстан аумағындағы компаниялардың тек аспан асты елінде саудалануға тиіс машиналарды бақылауға еш құзыреті жоқ. Бұл іспен өндіруші өзі айналысады. Қазіргі телематика қалай жұмыс істейтінін ескерсек, қытайларға жыраққа кеткен көліктің қайда, кімнің тізгінінде жүргенін анықтау қиын болмайды. Оның үстіне, бренд біздің елдегі компанияларға ескертпей-ақ жұмысын тындыруы мүмкін.
Елде жүрген біраз машина мүлде жарамсыз болып қалайын деп жатқанда, марка өкілдеріне еш хабар бермеуі де дұрыс емес екені анық.
Бірақ жел тұрмаса шөптің басы қимылдамайтынын ұмытпайық.
Kolesa.kz редакциясы оқиғаның қалай өрбитінін назарында ұстайды.
Комментариев: 0