Zeekr 7X Қазақстанға келеді

Zeekr былтыр қыркүйекте таныстырған 7X электромобилін жақында Қазақстанда ресми сата бастайды. Модельге арналған көлік құралының типін мақұлдау құжаты жергілікті реестрде пайда болды.

Құжаттан Қазақстанға модельдің артқы жетекті бір моторлы және толық жетекті қос мотолы нұсқасы келетінін көруге болады. Машина LFP немесе NCM батареясымен жабдықталады.

1 / 11

• 
• 
• 
• 
• 
• 
• 
• 
• 
• 
• 

1 / 11

Қытайда Zeekr 7X-тің моно жетекті нұсқасы 421 ат күшіне ие мотормен жүреді, қозғалтқыш сыйымдылығы 75 кВт·сағ Golden Brick немесе 100 киловатт CATL батареясынан қуат алады. Біріншісі — литий-фосфатты, екіншісі никель-марганец-кобальтты аккумулятор. Мұндай машинаның жүріс қоры 605–780 шақырымға жетеді.

Толық жетекті кроссовердің артқы осінде — 421 ат күшін беретін, алдыңғы жағында 224 ат күшіне ие қозғалтқыш бар. Күштік құрылымның жалпы қуаты — 646 а. к. Жүріс қоры — 705 км.

1 / 8

• 
• 
• 
• 
• 
• 
• 
• 

1 / 8

Zeekr 7X Geely SEA платформасының 800 вольтты түріне негізделген, өлшемі — 4825 × 1930 × 2925 мм, дөңгелек базасы — 2925 мм. Яғни ол Tesla Model Y-дан үлкен. Салонда 13.5 дюймдік аспаптар панелі, 16 дюймдік медиакешен экраны және смартфон қуаттайтын орны бар ортаңғы консоль назар аудартады. Қытай нарығындағы машинаның жабдықтар тізіміне үш аймақты климат-бақылау, массаж функцисы бар кресло, электронды көмекшілер, клиренсті 230 мм-ге дейін көтеруге мүмкіндік беретін пневматикалық аспа, артқы жолаушыларға арналған 13 дюймдік экран және т.б. енген.

Марка 7X автосалондарға қашан шығатынын жария еткен жоқ. Бағасы да белгісіз. Ал «сұр» импорт арқылы келген Zeekr 7X Қазақстанда 19.3–24.1 млн теңге тұрады.