Zeekr 007 универсалының алғашқы суреттері

Компания жаңа 007-нің алғашқы суреттерін жариялады. Бес есікті шанақ алған көлік 007 GT атауымен сатылады. Алдын ала мәлімет бойынша автомобильдің мотор гаммасы өзімен платформалас седанмен бірдей болады, бағасы 210 мың юаньнан (шамамен 15 млн теңге) басталады.

GT индексі бар электромобиль көлбеу шатыр сызығымен ерекшеленеді. Сондықтан жүксалғыш көлемі ұлғайып, артқы жолаушылардың бас жағында қосымша кеңістік пайда болды. Zeekr 007 GT ерекше артқы тірек және айқын көрінетін спойлер алды.

Бұрын жаңа өнім универсал тәрізді болған, бірақ алғашқы ресми суреттерде Zeekr 007 GT шутинг-брейк пен хетчбэкке ұқсайды. Бренд дизайнерлері электромобильдің сыртын жасағанда 001 моделінен шабыт алған сияқты.

007 GT бір, екі моторлы күштік құрылыммен және әртүрлі аккумулятормен сатылады. Ал 007 седаны Қытайда 646 ат күшіне ие агрегатпен және жүріс қоры CLTC циклі бойынша 870 шақырымға жететін батареялармен жабдықталады. 800 вольтты архитектураның арқасында 500 км-ге жететін энергия қорын 15 минутта жинауға болады.

Компания 007 GT саудасы басталғанда, яғни 2025 жылдың екінші тоқсанында топтаманы кеңейтуді жоспарлап отыр. Бірақ бұл машина Еуропа нарығына арналған. Қытайда электрокар Nio және Neta брендтерінің ұқсас модельдерімен бәсекелеседі. Zeekr екі үлкен кроссовер де шығармақшы, бірақ олар электрлі және гибрид күштік құрылым алады.