2023 жылдың аяғына дейін Ресейде жарты миллионнан аса Қытай автомобилі өтті. Бірақ ұрланған көлік саны өте аз. Autonews.ru мұның себебін нарық сарапшылары мен сақтандыру компаниясы өкілдерінен сұрады.
Басылым мамандар пікірін қорытындылай отырып, мынадай тұжырым жасады. Елдің ескі көлік нарығында Қытай өнімі көп емес әрі олардың бөлшегіне сұраныс аз, сол үшін ұрылар назар аудармайды. Басқаша айтқанда, автомобильдер жаңа, оларды бөлшектеп сатудан еш пайда жоқ.
«Автостат» хабарлағандай, Ресейдегі ескі көлік нарығында Қытай өнімдерінің үлесі 3 % ғана. Алайда, уақыт өте жағдай өзгеретіні анық. Haval Jolion немесе Chery Tiggo 7 сияқты танымал модельдер ескі машиналар қатарына қосылады. Сол үшін сақтандырушылар Қытай автомобильдеріне «ұрлық» қаупі үшін төмен тариф белгілейді.
Оның үстіне кейінгі екі жылда жақсы өтіп жатқанымен, Қытай өнімдері Ресейде әлі экзотика саналады, көп адам қолдан алуға тәуекел етпейді. Заңсыз жолмен келген затқа тіптен жоламайды.
Қытайда жасалған машинаны айдап кету аса қиын емес, ұрыдан қорғану деңгейі Еуропа және жапон нарығындағы орта класты машиналармен шамалас немесе одан төмен. «Угона.нет» порталының негізін қалаушы Алексей Курчанов жаңа Қытай автомобильдерінің ұрлыққа қарсы қорғаныш деңгейі бес-он жыл бұрын шыққан Корея көліктерінен «әлсіз» екенін айтты.
Комментариев: 0