Ұқсас бөлшек BMW-да арзан, Rolls-Royce-та қымбат

Автоөндіріс жаһанданып, әртүрлі марка көліктері бірдей жабдықтала бастады, соның арқасында машина жөндеу жеңіл әрі арзан бола түсті. Жақында АҚШ-та тұратын Rolls-Royce Wraith иесі осыны дәлелдеп берді, оның дилері ақау шыққан сағат серіппесін ауыстыру үшін 2500 доллар сұрапты.

Бұл бөлшек рөлдің ішінде тұрады, спиральды кабель деп те аталады. Ол қозғалмайтын бөлік (баған) пен айналмалы бөлік (рөл) арасында электрлі байланыс орнатып, сигнал беру, батырманы іске қосу және қауіпсіздік жастығын ашу сияқты рөлдің қосымша қызметтерін жүзеге асырады.

Көп ақша төлегісі келмеген Америка тұрғыны басқа вариант іздеп көреді. Каталогты мұқият қараған соң ол 6-сериялы BMW-ның (F12 буыны) сағат серіппесі оның Rolls-Royce-ына дәл келетінін байқайды.

Ең бастысы өте арзан болып шықты. BMW моделінің серіппесі небәрі 160 доллар тұрады екен. Оны жөндеу де аса қымбатқа түскен жоқ.

Ghost-тың екінші буыны Rolls-Royce-тың фирмалық алюминий шассиіне ауысқанына қарамастан, машина ішінде BMW-ның бірнеше нәзік бөлшегі сақталып қалды деген болжам бар. Бірақ Rolls-Royce иелері бұған аса назар аудармайды, өйткені олар әдетте көлігін жөндеткенде чекке қарамастан қол қояды.

Арзан бөлшек іздеп жүру бай-бағландарға жараспайды.