Ұлыбританиядағы тюнерлер BMW M3-тің (E46) универсалын жасады

E46 индексті M3-ті әзірлеу барысында BMW инженерлері модельді универсал шанақпен шығармақшы болып, бір прототип дайындады. Бірақ ол конвейерге тұрмады. Дегенмен тюнерлердің мұндай нұсқаға қызығушылығы арта түсті. Әуесқойлардың қолынан өткен M3 Touring-ті түрлі елде кездестіруге болады. Тіпті Қазақстанда біреуі жүр.

Енді Ұлыбританиядағы кәсіби реставраторлар бес есікті автомобильді шағын тиражбен өндіре бастады. M3 Touring-тің рестомодын Petroyle компаниясы таныстырды.

1 / 8

• 
• 
• 
• 
• 
• 
• 
• 

1 / 8

Ателье жаңа шанақ панельдерін әзірлеуге көп уақыт жұмсапты. Бөлшектер карбоннан жасалған, соның арқасында универсалдың салмағы 1570 келіге (M3 купемен шамалас) жуықтады. Клиент көміртек пластик шатырға да тапсырыс бере алады. Мамандар шанақты толықтай қайта дәнекерлеп, кей жерін қатайтып, E46-ға тән ақуларды жойған.

Салоны түпнұсқа архитектурасын сақтап қалады, бірақ ателье әрлеу материалдарын таңдау мүмкіндігін ұсынады.

Классикалық M3 Touring алғысы келетіндер 343 ат күшін (365 Нм) беретін 3.2 литрлік жаңа S54 қозғалтқышы мен механикалық қорабы бар модификацияны таңдай алады. Ерекше агрегатты ұнататындар үшін S65 индексті V8 немесе 5 литрлік V10 (S85) бар.

Petroyle ательесі машинаның 50 экземплярын шығарады. Бастапқы бағасы — 130 000 фунт стерлинг (82.6 млн теңге).