Ұлыбританияда жағдайы нашар Toyota Celica саудаға шықты

Британиядағы Ланкаширде өте сирек кездесетін Toyota Celica ST185 саудаға шықты. Бұл жай ғана GT-Four нұсқасы емес, Еуропада Carlos Sainz Edition деген атаумен белгілі шектеулі RC модификациясы. Қазір бұл раритетке бар болғаны 7100 фунт (4.3 млн теңге) ұсынып отыр. Мұндай төмен баға көліктің жағдайымен байланысты, бірақ сатушы жағдайы соншалықты жаман емес дейді.

Toyota бұл модификацияны ішкі нарық және Еуропа мен Аустралия үшін тек 1991 жылдың тамызынан 1992 жылдың ақпанына дейін шығарды. RC нұсқасы омологация талаптары аясында пайда болған деп саналады, өйткені компания Celica-ны раллиден әлем чемпионатына қатысу үшін белсенді қолданды. Ол қарапайым GT-Four-дан негізінен өзгерген аэродинамикасымен, жақсарқан интеркулерімен және 5 сатылы механикалық қорабымен ерекшеленді.

1 / 7

• 
• 
• 
• 
• 
• 
• 

1 / 7

Саудаға шыққан көлік сыртта 14 жыл қозғалмай тұрған. Спорткардың шанағы кір және мүк басқан сияқты, бірақ сатушы тот басқан жері аз — алдыңғы әйнек жиегі мен табалдырығында дейді. Оның пікірінше коррозияны кетіруге көп күш кетпейді. Купенің салоны шанақпен салыстырғанда жаңа сияқты көрінеді. Мысалы, ақ былғарымен қапталған спорттық орындықтар мен таза еденді көруге болады.

Celica GT-Four RC 225 ат күшін және 304 Нм момент беретін 2 литрлік мотормен, механикалық беріліс қорабымен және толық жетек жүйесімен жабдықталған. Қозғалтқышы әлі жұмыс істеп тұр, бірақ тежеуіш магистралі үзілгендіктен дискілері мен тежеуіш қалыбы жоқ, яғни спорткар тоқтай алмайды.

Сатушы оны қалпына келтіруге арналған керемет экземпляр болады дейді. Toyota-ның өзі де Celica-ны қайта жандандыруды ойлап жүр, бірақ инсайдерлердің айтуынша спорткардың жаңа буыны жарыққа шықса да, өткен модельдермен ортақ ешнәрсесі болмайды. Celica-ның жаңа нұсқасы GR86 мен қазіргі Supra арасындағы бос орынды толтырып, бұрынғыға қарағанда үлкенірек, сәнді және беделді болуы мүмкін.