Ұлыбританияда Land Rover-ге автобөлшек жетіспей жатыр

Ұлыбританияда Land Rover және Range Rover иелері қажетті автобөлшекті бірнеше ай күтуге мәжбүр. Бұл туралы Car Dealer журналы хабарлады. Қазанда елде бұзылып тұрған жол талғамайтын көліктер саны 10 000-ға жеткен, салдарынан дилерлер клиентке уақытша мінуге беретін машина таппай жатыр, оның үстіне кезекте тұрған көлікті қоятын тұрақ жетіспейді.

Жағдайдың қиындағаны сонша, JLR қызмет көрсету орталықтарына түпнұсқа емес немесе ескі бөлшектерді пайдалануға рұқсат берді. Мұның бәрі премиум брендтің беделіне теріс әсер ететіні анық.

JLR бас директоры Адриан Марделл Autocar басылымына компанияның автобөлшек жеткізетін 18 бекетті бір ірі қоймаға біріктіргені қате болғанын мойындады. Ол проблема кем дегенде 2024 жылдың басына дейін жалғасатынын айтты.