Yangwang U8 суда жүзе алады

Биыл тамызда жарық көрген, бағасы 150 мың доллар тұратын толық жетекті Yangwang U8 гибриді G-Class және Range Rover сияқты жоғары санатты жол талғамайтын көліктер қатарына жатады.

BYD 1200 ат күшіне ие модельдің артықшылығын көрсету үшін машинаның орнында тұрып айналып жатқан видеосын жариялады. Дөңгелек шиқылы көрерменді шатастырмасын деп видеоның дыбысын басып қойыпты.

Yangwang U8-дің амфибия сияқты суда жүзе алатыны жиі су басатын теңіз жағалауында тұратын тұрғындарға аса пайдалы болуы мүмкін. Жүзу үшін машина дөңгелегі суға бата бастағанда жүргізуші «яхтинг» режимін қосу қажет.

Жұмыс алгоритмі мынадай: борткомпьютер борттық сезгектерді пайдаланып, аспаны көтереді, іштен жану қозғалтқышын сөндіреді, желдету және ауа баптау контурын өшіреді, терезе мен есікті жауып, люкті ашады. Бұл адамдарға қауіпті жағдайда сыртқа шығуға мүмкіндік береді. Дөңгелек баяу айналып, машина сағатына 3 км жылдамдықпен қозғалады.

«Яхтинг» режимі экстремалды жағдайға ғана арналған, машина суда 30 минут қана жүре алады. Тереңдігі 1.4 метр судан өту үшін Yangwang U8-ге дәстүрлі моторға керек шноркель орнатылған, ол электромотор батареясын қуаттайды.