XPeng су жаңа электромобильдің суретін жария етті. Бейжің автосалонында тұсаукесері өткен Mona топтамасына кіретін көлік туралы толық ақпарат ай аяғына қарай белгілі болады, ал нарыққа III тоқсанда шығады.
Бренд өкілдері Mona атауы Made of New AI деген сөздерден құралған деді. Бұл топтамадағы машиналар жасанды интеллект көмегімен автономды басқаруға арналған жүргізуші көмекшілерінің кешенін алады. XPeng брендіне осы бағытты зерттеп жүрген DiDi такси сервисі көмектеседі.
Электрокар салыстырмалы түрде төмен бағасымен және жүріс қорының көптігімен мақтана алады. Алдын ала мәлімет бойынша XPeng M03 500 шақырымды еңсеруге жағдай жасайтын BYD батареясымен жабдықталады. Ал бағасы 150 мың юань (9 млн теңгеден сәл асады) шамасында болады.
XPeng көлік құнын түсіру үшін седанның көлемі мен күштік құрылымынан үнемдейтін көрінеді. Біраз уақыт бұрын Қытайдағы басылымдар модель шағын әрі моножетекті болады деп жазған, оның көптеп өтуіне коропоративтік клиенттер мен таксопарктер үлкен үлес қосады.
Комментариев: 0