XPeng жаңа лифтбэгіне тапсырыс қабылдай бастады

XPeng Қытайда жаңа суббрендінің алғашқы электрокары — Mona M03 жолға шығатын күн таяп қалды. Седанға ұқсайтын бес есікті модель үздік жабдықтар және жүріс қоры 620 км-ге жететін екі күштік құрылыммен сатылады, бірақ жаңа өнімде толық жетек болмайды. Mona M03 өндірісі осы айда басталады.

1 / 9

• 
• 
• 
• 
• 
• 
• 
• 
• 

1 / 9

Марка Mona M03-тің сырт пішінін маусымда көрсеткен, енді интерьері мен сипаттамасы туралы ақпарат беріп отыр. Машинаның өлшемі — 4780×1896×1445 мм, дөңгелек базасы — 2815 мм, жүксалғыш көлемі — 621 литр. Mona M03-тің кедергі коэффициенті —0.194, әзірлеуші мұның өз класындағы үздік көрсеткіш екенін айтты.

Электрокар интерьері Қытай көліктерінің дәстүріне сай минималистік стильде жасалған. 15.6 дюймдік ортаңғы экран мен D пішінді рөл жақын орналасқан, медиажүйе Snapdragon 8155 чипіне негізделген әрі 16 ГБ ішкі жады бар.

1 / 7

• 
• 
• 
• 
• 
• 
• 

1 / 7

Жаңа өнімнің жабдықтар тізімінде 18 динамик, дыбыспен басқару жүйесі, сымсыз жаңартуға мүмкіндік беретін интернетке қосылу нүктесі, ондаған сезгекке негізделген электронды көмекшілер жинағы бар. Сондай-ақ көлемі 1.22 шаршы метр панорамалы шатыры болады.

Электрокардың ең арзан нұсқасы 190 ат күшіне ие бір электромотормен жүреді, сәл қымбат түрленімінің моторы 218 ат күшін береді. Сондай-ақ BYD-ден алған сыйымдылығы 51.8 және 62.2 кВт⋅сағ болатын екі батарея бар, олардың жүріс қоры 515–620 шақырым шамасында.

Жаңа өнімнің бағасы қазірше белгісіз, бірақ алдын ала тапсырыс берген клиент 3 мың юань (шамамен 200 мың теңге) жеңілдік алады.