Xpeng бренді жаңа P7+ электрокарына 30 мың расталған тапсырыс жинау үшін небәрі 1 сағат 48 минут қажет болғанын жариялады. Париждегі автосалонда жаңа модельдің дебютімен бірге тапсырыс қабылдау басталды, тапсырысты растау үшін 99 юань (шамамен 7 мың теңге) депозит салу керек болды.
Xpeng P7+ лифтбегі айтарлықтай ірі болып шықты: ұзындығы — 5056 мм, ал дөңгелек базасы — 3 метр. Алғашқы кезеңде жаңа модель тек артқы жетекті болады. Ол 245 немесе 313 ат күші бар мотормен және 60.7 немесе 76.3 кВт батареямен жабдықталады. Қайта қуаттаусыз 620 немесе 710 шақырым жүре алады.
Электрокардың жабдықтар тізіміне 15.6 дюймдік дисплейі бар медиажүйе, хош иіс шығаратын климат-бақылау, сондай-ақ барлық орындықта желдету және массаж бар. Xpeng P7+ ерекшеліктерінің бірі — жартылай автономды басқару жүйесі, бірақ бұл кешенде лидар жоқ. Ол тек камера мен сезгектен алынған ақпаратпен жұмыс істейді, алайда ұзақтағы затты дәл анықтай алады.
Қазір автомобильдің бағасы Қытайда 209 800 юаньнан (14.4 млн теңге) басталады, дегенмен флагман әлдеқайда қымбат болады деп болжанған. Тікелей сауда басталғанға дейін баға тағы төмендеуі мүмкін. Компания Mona M03 лифтбегіне 30 мың тапсырысты екі тәулік жинаған.
Комментариев: 0