Xpeng-тің арзан электрокары лифтбек болып шықты

Xpeng маусымның басында таныстырған жаңа Mona топтамасының алғашқы моделін ресми түрде көрсетті. Седан болады деп күткен Mona M03 көлемді жүксалғышы бар лифтбекке айналды. Жаңа модель жүріс қоры сияқты кейбір көрсеткіштер бойынша күткеннен асып түсті. Компания кейбір мәліметті құпия сақтайды.

Бренд алдын ала тапсырыс қабылдау кезінде электромобильдің тұсаукесерін өткізіп, басқа да ақпарат береді. Өлшемдері — 4780×1896×1445 мм, дөңгелек базасы — 2815 мм. Ықшам көрінетін лифтбектің ось арасындағы қашықтығын Toyota Camry-мен салыстыруға келеді. Жүксалғыш көлемі — 621 литр. 19 дюймдік дискілермен жабдықталады.

1 / 10

• 
• 
• 
• 
• 
• 
• 
• 
• 
• 

1 / 10

Компания Mona M03-тің аэродинамикалық кедергі коэффициенті небәрі 0.194 деп мақтанады. Қытай нарығында көрсеткіші бұдан жақсы модельдер бар, бірақ әзірлеушілер лифтбектер арасында рекордтық нәтижеге актив қалқа арқасында жеткенін айтты. M03 дизайнының тағы бір ерекшелігі — Т пішінді ерекше жарық техникасы. Интерьер туралы ақпарат кейінірек шығады, презентацияда көліктің әйнектерін қараңғылап қойған еді.

Xpeng Mona M03 үшін екі күштік құрылым дайындаған, бірақ машина тек артқы жетекті болады. Қозғалтқыштар 190 және 218 ат күшін береді, жүріс қоры 515 немесе 620 шақырымға жетеді.

Электромобиль топтамасына анонс жасағанда бренд өкілдері жасанды интеллект функциясы бар жақсарған жүргізуші ассистенттерінің жүйесі Mona-ның басты артықшылығы болатынын айтқан. Бұл жүйе туралы толық ақпарат саудаға шығар алдында жарияланатын сияқты. Xpeng Mona M03 бағасы 100-150 мың юань (6.5-9.7 млн теңге) аралығында болуы мүмкін.