Xiaomi үшінші моделін сынақтан өткізіп жатыр

Xiaomi үшінші моделін сынақтан өткізіп жатыр

Алдын ала мәлімет бойынша кроссовер Xiaomi топтамасына 2026 жылы қосылады.

CarNewsChina Қытайда тыңшылар түсірген суреттерге сүйене отырып, Xiaomi үшінші моделін сынақтан өткізе бастағанын хабарлады. Камуфляжға қарамастан, бұл үлкен кроссовер екенін және салоны үш қатарлы болатынын көруге болады.

Бүркелген көліктің дизайны туралы қандай да бір тұжырым жасауға және оны қазіргі Xiaomi модельдерімен байланыстыруға келмейді. Прототип бортында D14 коды көрінеді. Басылымның мәліметінше Xiaomi өзінің сынаққа арналған көліктерін осылай белгілейді. Автомобильдің қырлы шанағы брендке тән емес, бірақ оның нақты пішіні жасырулы болуы мүмкін. Прототипке сериялық дизайнға қатысы жоқ шанақ бөлшектері орнатылған сияқты.

Третью модель Xiaomi вывели на испытания. Это большой гибрид

Бұған дейін Қытай басылымдарында Xiaomi-дің топтаманы дамыту жоспары туралы ақпарат тараған. Бренд стратегиясына сәйкес, 2026 жылы тізбекті гибрид күштік құрылымы бар үлкен кроссовер жарық көреді. Ол Aito M9, LiXiang L9 және Қытайда ерекше сұранысқа ие басқа ірі гибридтермен бәсекелеседі деген болжам бар. Басылым хабарлағандай, Xiaomi жаңа өнімге қоятын қозғалтқыштарды серіктестерінен алады немесе өздері әзірлейді. Компания қолданатын агрегаттар 800 вольттық архитектураға негізделеді, ал гибридтерде 400 вольттық архитектура болады.

Xiaomi екінші моделі ретінде электрлі моторы бар шағын кроссовер жасайды. Ол қазір сынақтан өтуде және 2025 жылы нарыққа шығады. Ал SU7 седанының танымалдығы артып келеді. Xiaomi 2024 жылға арналған өндірістік жоспарын мерзімінен бұрын орындап, 130 мың экземплярға дейін арттырды.

Комментариев: 0

Чтобы оставить комментарий, вам необходимо зарегистрироваться или авторизоваться.