Қытайда сарапшылар Xiaomi SU7 электрокарын бәсекелестерімен салыстырды

Қытайдағы Dongchedi басылымының сарапшылары Xiaomi SU7 электрокарын Tesla мен жергілікті брендтердің бірқатар бәсекелесімен салыстырған сынақ нәтижесін жариялады. SU7 жақсы динамика көрсетті, бірақ жүріс қоры таңғалдырмады.

Сынаққа 673 ат күшіне ие және 101 киловатт батареясы бар SU7-нің үздік нұсқасы қатысты. Оған Tesla Model 3 және Nio ET5 бәсекелес болды. Жаңа өнім ең жылдам болып шықты, SU7 алғашқы жүздікті 3.24 секундта еңсерсе, ET5 — 3.83, Model 3 — 4.62 секунд көрсетті. SU7 ширек мильді 11.17 секундта жүріп өтті, ал бәсекелестері 12.37 және 12.77 секундта еңсерді. SU7 мәреде ең жоғары жылдамдық көрсетті — 201.8 км/сағ.

1 / 5

• 
• 
• 
• 
• 

BYD Han EV

Nio ET5

Tesla Model 3

Xpeng P7

Zeekr 001

1 / 5

SU7 жүріс қоры сынағында сүрінді. Өндіруші осы нұсқа қайта қуаттаусыз 800 шақырымды артта қалдырады десе, сарапшылар бар болғаны 643 шақырым жүре алды. Алайда SU7-нің нәтижесі бәсекелестерінен жоғары болды, бірақ Xpeng P7 паспорттағы көрсеткішіне мүмкіндігінше жақындай алды. Ол 489 шақырым жүріп өтті, бұл 610 шақырым деген мәлімдемеден 80.2 % құрайды.

Nio ET5 белгілеген 640 км-ден 455 км, BYD Han EV — 610 км-ден 405 км, 100 киловаттық Zeekr 001 — 656 км-ден бар болғаны 407 км, Tesla Model 3 — 713 км-ден 568 км жол жүрді.

Наурыздың аяғында Xiaomi алғашқы электрлі көлігінің бағасын жария еткен. Қытайда SU7-нің құны 215 900-299 900 юань шамасында, Tesla Model 3, Zeekr 001 және Nio ET5 қымбатырақ, Xpeng P7 мен батареялы BYD Han арзанырақ модельдер болады.