Xiaomi-дің автомобиль бизнесімен айналысуға ниетті екенін жариялағанына бір жылдан сәл асты. Компания мен Бейжіңнің экономика және технологиялық дамуды басқару комитеті штаб-пәтер, зерттеу орталығы мен жылына 300 мың машина шығаруға қауқарлы зауыт салу жөнінде келісімге қол қойып, жұмысшылар алды. Соған қарағанда алпауыт компанияның алғашқы моделі жолға шығатын күн таяп қалған сияқты.
Қытайлық БАҚ таратқан ақпаратқа сүйенсек, Xiaomi алғашқы электромобилін тамызда таныстырады. Макет емес, толыққанды прототип көрсетіп, артынан оны түрлі жағдайда сынайды. Ал тауар түріндегі нұсқасы 2024 жылдан ерте шықпайды.
Автомобильдің техникасына қатысты мәлімет жоқ. Біраз уақыт бұрын Xiaomi бағасы 105-300 мың юань (10.7-21.4 млн теңге) аралығында болатын, автономды басқару жүйесі дамыған электромобиль шығаруды жоспарлап отырғанын мәлімдеген.
Комментариев: 0