Xiaomi-дің алғашқы электрокары күткеннен арзан болып шықты

Xiaomi өзінің алғашқы электромобилі SU7 седанының ресми бағасын жариялады. Компания жаңа өнімді премиум сегментке шығармай, сауда қайнайтын «200+» нарыққа ұсынуды жөн көрді. Нәтижесінде өндіруші SU7-ге алғашқы 50 мың өтінішті небәрі 27 минутта жинады.

Ресми премьерада бренд SU7-нің базалық және үздік екі модификациясы туралы айтқан болса, WeChat-та 2 миллионнан астам адам көрген саудаға шығару салтанатында ұзаққа шабатын үшінші нұсқасын көрсетті. Xiaomi SU7 Standart, Pro және Max нұсқаларында сатылады, олар күштік құрылыммен де, опция ретінде жүретін жабдықтармен де ерекшеленеді.

1 / 5

• 
• 
• 
• 
• 

1 / 5

Базалық нұсқа 215 900 юань (13.35 млн теңге) тұрады, ол Tesla Model 3-ке қарағанда қолжетімді. Мұндай SU7 299 ат күшін және 400 Нм момент беретін бір электрлі қозғалтқышпен жүреді, алғашқы жүздікті 5.28 секундта еңсереді және BYD-дің 73.6 киловатт аккумуляторы арқасында шамамен 700 шақырым жүре алады.

Pro нұсқасының бағасы — 245 900 юань (15.2 млн теңге). Қозғалтқышы өзгермеген, бірақ CATL-дың 94.3 киловаттық батареясы орнатылады. Салмақ қосқан седан алғашқы жүздікті 5.7 секундта еңсереді, ал жүріс қоры 830 шақырымға жетеді.

Xiaomi SU7 Max — 299 900 юань (18.5 млн теңге) тұратын екі моторы бар жалғыз модификация. Оның күштік құрылымы 673 ат күшін және 838 Нм момент береді, седан алғашқы жүздікті 2.78 секундта еңсереді. Аккумулятор сыйымдылығы 101 кВт/сағ-қа өсті, бұл SU7 қайта қуаттаусыз 800 шақырымды артта қалдырады.

1 / 11

• 
• 
• 
• 
• 
• 
• 
• 
• 
• 
• 

1 / 11

Үздік нұсқаның тағы бір айырмашылығы — 800 вольттық архитектура, ал одан арзан SU7-лерде 400 вольт. Базалық және үздік топтамадағы седандарды қуаттау станциясына қосқанда, біріншісі жүріс қорын 15 минутта 350 шақырымға толтырса, екіншісі 510 шақырымға толтырды. Ең қымбат электрокарда ғана автопилоттың жетілген нұсқасы бар.

Саудаға шығатын SU7-нің жабдықтар тізіміне өте қуатты Nvidia Drive Orin (автопилот үшін) және Snapdragon 8295 (медиажүйе үшін) чиптері, 7.1 және 16.1 дюймдік екі дисплей, пайдаланушының гаджеттерін жіксіз байланыстыратын Xiaomi операциялық жүйесі мен панорамалы шатыр кіреді. Аспасында бейімді амортизаторлар мен пневматикалық элементтер бар.

1 / 5

• 
• 
• 
• 
• 

1 / 5

Xiaomi Қытайдың 29 қаласына SU7-нің алғашқы демоэкземплярын жіберіп, тапсырыс қабылдай бастады. Базалық және үздік топтамадағы электрокарды сәуірде жеткізе бастайды, ұзаққа шабатын SU7 клиенттерге мамырда жетеді.