Xiaomi топтамасын 2025 жылдың бірінші тоқсанында екінші модельмен толықтырады. Бұл туралы жергілікті БАҚ компаниядағы дереккөздеріне сілтеме жасап хабарлады. Топтамаға MX11 атауымен белгілі және сынақтан өтіп жатқан автомобиль қосылады.
Кейбір мәлімет бойынша электрокар ақпанда сатыла бастайды. Басқа деректерге сүйенсек, компания екінші модельді наурыздың аяғында таныстырады.
Бренд жаңа өнімді салынып жатқан зауытта құрастырады. Бірақ кейбір дереккөз зауыттың жазға дейін іске қосылуы екіталай дейді, яғни өндіріс кейінге қалуы мүмкін.
Xiaomi-дің екінші моделі сынақ кезінде көзге түсті. Бұл спорттық кроссовердің дизайны SU7-нің стилистикалық шешімі бар Ferrari Purosangue моделін еске салады. Тыңшылар түсірген суреттен бренд басшысы Лэй Цзюнь сынаққа өзі қатысқанын көруге болады.
Xiaomi MX11-дің негізгі бәсекелесі Tesla Model Y, сондықтан паркетник айтарлықтай арзан болуы керек. Бастапқы бағасы 250 мың юаньнан (17.2 млн теңге) аспайды (одан төмен болуы да мүмкін).
2026 жылы Xiaomi үшінші моделін жасауды жоспарлап отыр, ол электрокар емес, тізбекті гибрид болады.
Комментариев: 0