Биыл көктемде Xiaomi өз электромобилін шығаратынын мәлімдеген. Сол кезде компания басшысы Лэй Цзюнь жаңа салаға 10 млрд доллар инвестиция құйылатынын хабарлады. Енді Xiaomi-дің 2024 жылы сериялы электромобиль өндіретіні белгілі болды.
Маркаға тиесілі алғашқы модельге қатысты ақпарат жоқ. Xiaomi басшысы сөз сөйлегенде прототип жабулы болды, дегенмен пішініне қарасақ, ол седан сияқты.
Жарты жыл бұрын Xiaomi Automobile Co. еншілес компаниясы құрылып, серіктестік жөнінде ондаған келісімге қол қойылды және ғылыми-техникалық орталық жұмыс бастады. Мұнда 450 адам қызмет етеді. Жобаны жүзеге асыруға 17 топ-менеджер жауапты. Айта кетерлігі, олардың ешқайсысы машинажасау саласында жұмыс істемеген, тек шеф-дизайнердің осы салаға қатысы бар екен.
Xiaomi Пекин маңындағы зауытта көлік өндіреді. Оның құрылысы әлден басталып кетті. Сонымен қатар компания аккумулятор шығаратын төрт фирмаға инвестиция құйды.
Комментариев: 0