Wagoneer S — ең жылдам сериялық Jeep

Jeep алғашқы жаһандық электрокарын таныстырды. Бес есікті ірі машина 2024 жылдың аяғына қарай саудаға шығады, бірақ бастапқыда бренд оның Launch Edition деп аталатын комплектациясын ғана ұсынады. Jeep тарихындағы ең жылдам сериялық модельдің бағасы 71 995 доллардан (шамамен 32 млн теңге) басталады.

1 / 9

• 
• 
• 
• 
• 
• 
• 
• 
• 

1 / 9

Jeep Wagoneer S-тің өлшемі — 4886×2123×1645 мм. Кроссовер сырттай бензинді Wagoneer-ге ұқсайды, бірақ дизайны басқаша. Бренд алдыңғы кедергі коэффициенті жақсы болу үшін фирмалық стилін су жаңа күштік құрылымға бейімдеуге мәжбүр болды. Одан бөлек көлікті жаңа оптикамен, жарығы бар «радиатор торымен» және ірі спойлермен жабдықтады.

Электрокар 600 ат күші мен 837 Нм момент беретін екі электромотормен жүреді. 2570 келі тартатын машина 60 миль жылдамдықты 3.4 секундта алады. Максимал жылдамдығы — 200 км/сағ. 100 киловаттық батарея көмегімен 480 шақырымды еркін еңсереді. Аккумуляторды 20-дан 80 %-ға 23 минутта толтыруға болады.

Jeep өкілдері электрокардың жолсызда қалай жүретіні туралы жақ ашпағанмен, күштік электроникасының түрлі жағдайға арналған бірнеше режимі барын, бірқалыпты қозғалғанда электр үнемдеу үшін алдыңғы моторды өшіріп қоюға болатынын атап өтті.

1 / 9

• 
• 
• 
• 
• 
• 
• 
• 
• 

1 / 9

Wagoneer S-тің аса сәнді салонын қазіргі Jeep-тердің ішіндегі ең цифрлысы деуге негіз бар. Машинаға бірден төрт экранды медиажүйе орнатқан. Launch Edition нұсқасында 19 McIntosh динамигі, жылынатын және желденетін артқы диван, панорамалы әйнек және 20 дюймдік дөңгелек бар. Салоны тек қолданған шикізатты қайта өңдеу арқылы алған синтетикалық матамен қапталады. Жаңа өнімнің экологияға жақ екенін көрсету үшін сыртын да хроммен әрлейді.

2024 жылдың аяғына дейін бренд Wagoneer S-ті Канада мен АҚШ-та сатуды жоспарлап отыр, содан кейін басқа елдерге ұсынады. Бұл марканың алғашқы электромобилі емес екенін айта кеткен жөн. Avenger деген шағын кроссовер қазір Еуропа жолдарында жүр. Жаңа модель әлемнің әлдеқайда көп бөлігіне таралады.