VW Golf Country-дің ізбасары шығады

«Тигуан» біраз уақыттан бері «Гольфтың» кросс-баламасы саналғанымен, әлдеқайда үлкен әрі шанағы басқа көлік. Нағыз «Гольф» жанкүйерлері концерн 30 жыл бұрын Golf II базасында жасаған Country моделінің қайта шыққанын қалайды. Аустриядағы Steyr-Daimler-Puch бөлімшесі небәрі 7.5 мың VW Country шығарған, көбі әлі күнге дейін құнын жоғалтқан жоқ.

Golf Country-дің заманауи нұсқасын алғысы келетіндер неміс ательесінің Delta 4×4 ұсынысына қызығуы мүмкін. Жоба қазірше рендер түрінде ғана, өтініш бергендер саны жеткілікті болса жүзеге асады.

Конверсия қуатты Golf R-дің қазіргі буынына негізделеді, ол 4Motion толық жетек жүйесі және 315–329 ат күшіне ие 2 литрлік турбоүрлемді TSI-мен жабдықталған. Қосымша 80 мм аспа лифті мен 18 дюймдік Hanma дөңгелек дискісі машинаның жол талғамайтын мүмкіндігін айтарлықтай арттырады, бірақ оны спорттық көлік деуге келмейді.

1 / 8

• 
• 
• 
• 
• 
• 
• 
• 

1 / 8

Толық өлшемді қосалқы дөңгелек және басқа заттарға арналған көлік төбесіндегі жүк салғыш, төбедегі жарықдиодты қос жолақ және капоттағы бес прожектордың батареясы Golf R-ді ралли-кар сияқты көрсетеді.

Жол талғамайтын Golf R-дің 25 данасы ғана шығады. Клиент жұмысқа 35 мың еуро мен донор-машина құнын төлейді, көлік 6–9 айда дайын болады.