Voyah Tesla Model Y-мен бәсекеге түсетін моделінің бағасын жариялады

Voyah премиум бренді Қытайда жаңа өнімі — Zhiyin кроссоверін сата бастады, модель экспортқа Courage деген атпен шығады. Ең арзан Voyah электромобилінің бағасы 196 900 юаньнан (13.4 млн теңге) басталады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Courage-дің сұлбасы кросс-купеге ұқсайды, бірақ Voyah Free моделі сияқты агрессивті көрінбейді. Жаңа өнім тегіс шанақ бастырығымен және өзгеше жарық техникасымен ерекшеленеді. Салонда 15 дюймдік дисплейі бар Snapdragon 8295 чипіне негізделген медиажүйе, 6 дюймдік аспаптар панелі, қырлы рөл және панорамалы шатыр бар. Сондай-ақ Courage 2.9 автономды деңгейі бар электронды көмекшілер жинағымен жабдықталған.

Кроссовердің өлшемі — 4725×1900×1636 мм, дөңгелек базасы — 2.9 метр. Яғни Voyah Courage-дің өлшемі Tesla Model Y-мен бірдей. Жүксалғыш көлемі — 527–1328 литр.

Жаңа өнімнің төрт түрлі күштік құрылымы бар, оның бәрі электрлі болады. Базалық Courage 292 ат күшіне ие мотор және 77 киловатт батареямен жүреді, жүріс қоры — 625 км. Электрокар 6.8 секундта жүзге дейін жылдамдық алады. Одан қымбаттау түрленімнің алдыңғы осінде қосымша қозғалтқыш болады, соның арқасында қуаты 435 ат күшіне жетеді, ал жүріс қоры — 570 км.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Ең арзан Courage 400 вольтты, ал қымбаттары 800 вольтты архитектураға негізделеді. Мұндай кроссовер тек артқы жетекті болуы мүмкін. Ол 313 ат күшіне мотормен жүреді, бірақ қозғалтқыш сыйымдылығы жоғары 79 және 109 кВт⋅сағ батареямен жұмыс істейді. Үздік нұсқасын сатып алған килент жүріс қоры (650 немесе 901 км) мен қуаттау жылдамдығы үшін көбірек ақы төлейді. 10 минутта машинаның энергия қорын 20-дан 80 %-ға толтыруға болады.

Алғашқы үш мың клиент электрокарды арзанға ала алады, жеңілдікке байланысты машина бағасы 179 900 юань (12.25 млн теңге) болады. Voyah маркасы Courage-дің экспорты жайлы нақты ақпарат берген жоқ, бірақ модель әлемдік нарыққа арналатыны анық.