Премиум марка Taishan кроссоверінің салонын көрсетті. Модель Қытайда 2025 жылдың аяғына қарай саудаға түседі, келер жылдан бастап Voyah Taishan шетелде сатылады. Бірақ ол кезде басқа атау алады.
Марка алты салоны орынды Voyah Taishan-ның суретін жариялады. Бұдан өзге түрленімін жасай ма, жоқ па, белгісіз, бірақ суреттегі машина ең үздік комплектация сияқты. Өйткені екінші қатар креслосындағы сенсорлы панель, электржетекті табалдырық, сымсыз қуаттағыш және бастіреуіштегі динамик көзге түседі.
Суреттен автомобильдің алдыңғы бөлігінде үлкен тачскрин мен цифрлы аспаптар панелі тұрғаны байқалады. Ортаңғы тоннельде гаджетке арналған слот пен ұсақ заттар салатын бокс бар. Трансмиссия селекторы рөлде орналасқан. Модельдің медиатехникасы мен бағдарламалық жасақтамасын Huawei ұсынғаны белгілі.
Жабдықтар тізіміне панорамалы шатыр, артқы жолаушыларға арналған төбедегі экран және тоңазытқыш кіреді. Бренд Taishan-ға үздік электрондық көмекшілер жинағын орнатады. Кроссовер пневмоаспа және толық басқарылатын шассимен жабдықталған.
Модельдің ұзындығы — 5230 мм, дөңгелек базасы — 3120 мм. Taishan-ның күштік құрылымы 1.5 литрлік дәстүрлі қозғалтқыш және екі электромотордан тұрады, агрегаттың жалпы қуаты — 500 а.к. Сыйымдылығы 65 кВт·сағ батареяның арқасында машина электр қуатымен 370 км жүре алады, ал жалпы жүріс қоры — 1400 км. Кроссовер Қытайдан кейін Ресейге аттанады. Ондағы дилерлер Taishan-ға желтоқсанда тапсырыс қабылдай бастайды.
Комментариев: 0