Volvo XC90 кроссоверін екінші рет жаңартты

Volvo-ның үлкен электрлі кроссовері EX90 жақында жарық көрген, бірақ шведтер модельдің жанармаймен жүретін нұсқасынан бас тартқан жоқ. Қазіргі буыны нарыққа 2014 жылы шыққан XC90 екінші рет рестайлингтен өтті.

Кроссовердің сырт пішіні жаңарып, жақсарған медиажүйеге ие болды. Сондай-ақ машина тек бензин-электрлі мотормен жүреді.

Volvo XC90-ның алдыңғы бөлігінде өзгеріс көп: диагональды ламелі бар жаңа радиатор торы, пластикасы өзгерген бампер және тік ауатартқыш пайда болды. Шамы жіңішке болады. Жарлық техникасы жаңарды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Салондағы басты визуалды өзгеріс — медиажүйе экраны үлкейді. Оның диагоналы 9-дан 11.2 дюймге өсті, ол үшін дисплейді алдыңғы панельден алып, бөлек орнатты. Экранның пиксель тығыздығы 20 % артып, интерфейсі жаңарды. Ортаңғы тоннель өзгеріп, қосымша шынтақ тіреуіш пайда болды, сымсыз қуаттау бөлігі панельге жақындады. Әрлеу материалдарының саны артты.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Жаңарған Volvo XC90 2 литрлік төрт цилиндрлі моторға негізделген үш түрлі гибрид күштік құрылыммен жүреді. Оның екеуінде бензинді мотор 48 вольтты стартер-генератормен біріккен, олар бірге 250 ат күшін (360 Нм) және 300 ат күшін (420 Нм) береді. Ал ең үздік түрленімде 310 ат күшіне ие дәстүрлі мотор мен артқы осьтегі 145 ат күшіне ие электромотор болады. Бұл нұсқа электр қуатымен 70 шақырым жол жүреді, ал жалпы жүріс қоры — 800 шақырым.

Кроссовердің барлық түрленімі 8 диапазонды автомат қорап және артқы жетек жүйесімен жұмыс істейді. Пневматикалық аспа опция ретінде беріледі, оның арқасында клиренс 60 мм-ге ұлғайды. Компания көктемде кроссоверге дизельді мотор орнатуды тоқтатты.

Volvo жаңарған XC90-ға тапсырыс қабылдап жатыр. Еуропа елдерінде plug-in-гибрид нұсқасы 87.5 мың еуро (47 млн теңге) тұрады. АҚШ-та қарапайым нұсқасы сатылады, оның бағасы 58.5 мың доллардан (28.2 млн теңге) басталады.