Volvo S60 өндірісі тоқтады

Шағын S40-тен айырмашылығы, 2001 жылы шыққан Volvo S60 «нағыз Вольво» болды, өйткені ол ескі S80 және XC90-мен бірдей платформаға негізделген.

Штутгарттың «цешкасы» және бавариялық «үштікпен» бір сегментте бой көрсеткен S60 германиялық бәсекелестері сияқты аса танымал болмады, бірақ оның да жанкүйері аз болған жоқ. Мысалы, қазір Kolesa.kz-те 18 машина иесін күтіп тұр, оның көбі бірінші буын өкілі.

1 / 10

• 
• 
• 
• 
• 
• 
• 
• 
• 
• 

1 / 10

Үшінші буындағы Volvo S60 2019 жылы жарық көрді. Содан бері седан негізінен АҚШ-тың Риджвилл қаласындағы (Оңтүстік Каролина) зауытта шықты, өйткені сол жылы Қытайдағы зауыт S60-ты конвейерден алып тастады, ал өз отаны Гетеборгта одан ерте қатардан шыққан. Кейінгі үш жылда орта есеппен 10–12 мың машина өтті.

Биыл жазда америкалық Volvo да келмеске кетеді. Motor1.com басылымына бренд өкілі «Volvo Cars биыл маусымның аяғында АҚШ және басқа нарыққа арналған S60 өндірісін тоқтатып, жаңа EX90 моделіне назар аударады», — деді.