Volvo EX30 жолға шығатын күн таяп қалды

Volvo EX30-дың желіде тараған патенттік суреттері оның құрылымынан біраз хабар берді. Оның үстіне шведтер де тизер жариялап, жұртты қызықтырып жатыр. Модель топтамада жол талғамайтын XC40-тан бір саты төмен тұрады.

1 / 8

• 
• 
• 
• 
• 
• 
• 
• 

1 / 8

Ресми фотодан салондағы ірі планшет көрінеді. 12.3 дюймдік экран мультимедиа мен аспаптар панелінің қызметін атқарады, сондықтан жылдамдық, батарея қуаты секілді мәліметтер соған шығады. Планшет мәзірі негізгі функцияларды тез қосуға мүмкіндік береді, ал қараңғы уақытта көзді ауыртпайтын режим қосуға болады.

Ақпараттық ойын-сауық жүйесі Qualcomm Snapdragon процессорын қолданады. Одан бөлек Google Assistant, Google Maps қосымшалары бар және Apple CarPlay-мен жұмыс істейді. Бренд опция ретінде ұсынатын Harman Kardon акустикасының арқасында стандарт динамиктердің дыбыс шығару мүмкіндігін арттыруға болады.

Дизайнерлер ортаңғы консольге зат сақтайтын модульдік тартпалар орнатыпты. Салоны өңделген джинса матасы, зығыр, жүн мен полиэстер қоспасы сияқты экологиялық таза материалдармен қапталады. Былғарыны жөн көретіндерге марка ағаш өндірісінің қалдықтары мен пластик бөтелкеден жасалған Nordico қаптамасын ұсынады.

1 / 6

• 
• 
• 
• 
• 
• 

Volvo EX30-дың патенттік суреттері

1 / 6

Volvo EX30-дың техникасына қатысты мәлімет жоқ. Десе де Geely-дің SEA платформасына негізделеді деген болжам бар. Клиенттер электромобильдің моножетекті не толық жетекті түрін таңдай алады. Бағасы батарея сыйымдылығына байланысты болады.

Машинаның ресми тұсаукесері 6 маусымда өтеді.