Volkswagen «Жук» моделіне ұқсайтын «порше»

2013 жылы Аустриядағы CarMaxx Classics шеберханасы Super Beetle (1970 жылдары шыққан «Жук») атауымен танымал Volkswagen 1303-ті жақсартты. Шеберлер Porsche Boxster S бөлшектерін қолданған.

Екі көліктің моторы ұқсас болғандықтан, комбинация жасау қиын болмады. Мамандар Porsche спорткарының шассиін, трансмиссиясын, тежеуіштерін, рөлін, одан бөлек алдыңғы панелінен, бензин багынан, жүксалғышынан біраз бөлшек алған.

1 / 5

• 
• 
• 
• 
• 

1 / 5

Жақсарған 3.2 литрлік 6 цилиндрлі қозғалтқыштың қуаты 247-ден 270 ат күшіне артып, жеңіл шанақты Beetle-дың алғашқы жүздікті 5 секундта алуына мүмкіндік берді, сөйтіп оның қарқыны стандарт Boxster S-тен асып түсті.

Бірақ машинаның аласарып, қанаты ісінгенін, төмен профильді шинамен қапталған «поршенің» құйма дискісі мен қызыл түсті тежеуіш суппортын байқау қиын емес.

Айтпақшы, құжат бойынша супер-«Жук» — 2000 жылғы Porsche Boxster S. Бағасы да қалтаға көп салмақ түсіреді, Schroeder-Classics сауда алаңында біраз жүрген машина үшін иесі 195 000 еуро сұрап отыр.

Конверсия тарих тағы қайталанғандай әсер қалдырады. Өйткені алғашқы Porsche 356 1948 жылы Volkswagen Beetle-дың моторы мен шассиін алған әрі пошымы«Жук» моделіне ұқсады.