АҚШ халқы Teramont деп атайтын Volkswagen Atlas 2017 жылы жарық көрді, біірақ Қазақстанда ресми сатылған жоқ. Өткен күзде машина жаңарды. Дизайнерлер оның алдыңғы бөлігін өзгертті, сонымен қатар артына жарыққа шағылысатын жолақ орнатып, оптикасын жақсартты. Салонда заманауи дисплей, жаңа рөл мен 8 дюймдік дисплейі бар медиажүйе көз тартады. Біздің елге дәл осы жаңарған кроссовер келеді.
Марканың ресми өкілдері таныстырылым уақытын нақты айтпады, бірақ ірі көлік біздің жолдарда көктемде жүйткиді деген болжам бар. Айта кетерлігі, бұл кроссовер Ресейде 2018 жылдан бері сатылып келеді.
Модель төрт жиынтықта ұсынылады. R-Line деген үздік нұсқасына 20 дюймдік дискілер орнатылады. Базалық машинада үш аймақты климат-бақылау, жарықдиодты оптика, жылытқыштардың толық жинағы мен басқа да пайдалы дүниелер көп.
Мотор топтамасында 220 ат күшін беретін 2 литрлік турбомотор мен 249 ат күшіне ие 3.6 литрлік атмосфералы VR6 бар. Екеуі де тек 8 сатылы автоматпен және толық жетек жүйесімен жұмыс істейді.
Volkswagen Teramont-тың бағасы ресми таныстырылым уақыты таяғанда белгілі болды.
Комментариев: 0