Жаңа көлік таңғаларлық пішінге ие деп айту қиын, себебі бір-біріне қатты ұқсайтын модельдер кейінгі кезде көптеп жарық көруде. Дәлел ретінде Қытай нарығына арналған VW Tharu мен оның ізбасары Yeti-ді айтуға болады. Солар сияқты Volkswagen Taos та MQB платформасына негізделген. Машинаның ұзындығы — 4465 мм.
Америка тұрғындары мінетін «Таос» нұсқаларында айырмашылық бар. АҚШ пен Канадаға арналған машинаға толық жетек орнатуға болады және 1.5 литрлік TSI бензинді моторы қойылады. Миллер циклы бойынша жұмыс істейтін күрделі агрегат бағыттаушы аппаратының геометриясы өзгеретін турбокомпрессормен толыққан, бұл берілісті 160 ат күшіне және 249 Нм айналу моментіне дейін арттыруға мүмкіндік берді. Алдыңғы жетекті көлікке 8 сатылы автомат, толық жетекті көлікке 7 диапазонды робот орнатылады.
Латын Америкасында тұратын клиенттер үшін баламасы жоқ моножетек пен 150 ат күшін, 250 Нм айналу моментін беретін ескі 1.4 TSI ұсынылады. Бұл мотор 6 сатылы автоматпен жұмыс істейді.
VW Taos салоны цифрлы аспаптар панелімен, Wi-Fi таратқышы мен сенсорлы экраны бар MIB3 мультимедиа кешенімен және климат-бақылау жүйесімен жабдықталған. Қауіпсіздік жүйелерінің тізімінде көрінбейтін аймақтарды бақылау, алысқа түсетін жарықты жақынға түсетін жарыққа автоматты ауыстыру жүйелері, жолақта қалу функциясы, бейімді круиз-бақылау бар. Алайда мұның көбі опция ретінде ғана қолжетімді. Жүксалғыш көлемі 796/1877 литр.
Бағасы әзірше белгісіз, бірақ Taos АҚШ-та 25 мың доллардан саудаланып жатқан Tiguan-нан сәл арзан болады деген болжам бар.
Комментариев: 0