Германияда ерекше Volkswagen T5 Kombi сатылымға шықты. Егер әр бөлшегіне үңілмесе, сыртынан көлік кезекті төмендетілген вэн сияқты көрінеді, алайда бір өзгерістің барын жүргізуші орындығының қалпынан байқауға болады. Ол ортада тұр.
Екінші ерекшелік машинаның түсінде. Көлік жасыл түстің Porsche 911 GT3 RS (997) үлгісіне тиесілі айрықша реңкіне боялған. Жылдам Volkswagen-ді жасаушы «поршенің» моторын да алыпты. Йә-йә! Минивэннің артқы бөлігінде 911 Turbo-ның 3.6 литрлік агрегаты жасырылған. Алтылық мотор 647 ат күшін береді және 6 сатылы механикамен жұптаса жұмыс істейді. Салмағы екі тоннадан асатын Т5 алғашқы жүздікті бес секундқа да жетпейтін уақытта еңсереді.
Салонда өзгеше орнатылған жүргізуші орындығынан бөлек, жолаушыларға арналған төрт спорттық орындық пен «911-нің» жетілдірілген аспаптар панелі бар.
Түрлендірілген дүниелерінің көптігін ескерсек, бұл Volkswagen-нің арзанға сатылуы мүмкін емес. Автокөлік 171 мың долларға бағаланды.
Комментариев: 0