Volkswagen VR6 моторымен жүретін тарихтағы соңғы автомобильді шығарды. Autoevolution хабарлағандай, бұл туралы VW өкілдерінің бірі Андреас Шляйт айтқан. Volkswagen VR6-мен жабдықталған машинаны алғаш рет 1991 жылғы Женева автосалонында көрсетті. Содан бері концерн 1.87 миллион дана осындай агрегат өндірді.
Volkswagen VR6 моторын әу баста алдыңғы жетекті автомобильге көлденең орнату үшін әзірлеген. V тәрізді және қатарлы құрылымының арқасында қозғалтқыш әдеттегі V6-ға қарағанда шағын әрі арзан болды. Марка мұндай моторды ең алдымен Passat B3 және Corrado моделіне орнатты.
Volkswagen Passat B3
Кейін Volkswagen көлемі мен клапан саны әртүрлі моторды көптеген моделіне қоя бастады, тіпті коммерциялық техникалары мен шағын Beetle да осындай қозғалтқышпен жабдықталған. Марканың Еуропадағы топтамасы VR6-мен 2010 жылдары қоштасқан, ал АҚШ-та бұл қозғалтқыш 2023 жылға дейін қолданыстан шыққан жоқ. Atlas кроссовері рестайлингтен өткен соң VR6-мен жүрмейтін болды, оның 3.6 литрлік моторы 280 ат күшін беретін.
Volkswagen Teramont X 530 4MOTION R-Line
Компания атақты қозғалтқыш ең соңғы болып қай автомобильге қойылғанын айтқан жоқ. Бірақ VR6-ның ғұмыры Қытайда аяқталды деген ақпарат бар. Онда Teramont пен Talagon 2.5 литрлік агрегатпен жүреді. Volkswagen VR6-ның орнын шағын турбоүрлемді қозғалтқыш пен гибрид күштік құрылым басады деп жоспарлап отыр.
Комментариев: 0