Volkswagen роботаксиі АҚШ пен Еуропада жолға шығады

Volkswagen концернінің MOIA «мобильді» бөлімі сериялы ID. Buzz AD пилотсыз көлігін көрсетті, ол SAE классификациясы бойынша 4-деңгейлі автономды басқару жүйесімен жабдықталған. Робот экипаж қалалар мен корпоративтік автопаркке арналған. ол пайдаланушыға да, оператор компанияға да өте қолайлы.

1 / 3

• 
• 
• 

1 / 3

ID. Buzz AD сырттай стандарт минивэннен кең дөңгелек базасы және көтеріңкі төбесімен ерекшеленеді, төбеде сезгектер орналасқан. Олардың 27-сі бар: 13 камера, 9 лидар және 5 радар. Машинаға кіру үшін жолаушы өз смартфонын пайдаланып, құлыпты ашады.

1 / 4

• 
• 
• 
• 

1 / 4

Төрт адамға арналған жайлы салонда Start/Stop, Support және SOS батырмасы орналасқан. Әзірлеушілер қауіпсіз сапарға осылар жеткілікті деп санайды. Автомобильдің дәстүрлі басқару органы бар, бірақ оны орап қойыпты, демек шұғыл қажет болса, рөлге кезекші жүргізуші отыруы мүмкін.

ID. Buzz AD қазір Waymo роботаксиі жұмыс істеп тұрған Лос-Анджелесте сынақтан өтеді. Машина коммерциялық қолданысқа 2026 жылы шығады, АҚШ-тың жаңа әкімшілігі пилотсыз көліктердің жалпыға арналған жолда жүруіне рұқсат берді. Бірақ MOIA өнімі алдымен АҚШ пен Еуроодақта автономды такси қызметі бойынша сертификат алуы қажет.