Volkswagen Budd-e концептісін алғаш көрсеткен сәттен алты жыл өткен соң немістер T1 және T2 шағын автобустарының электрлі нұсқасын ұсынды. Автомобиль ID. Buzz деп аталады.
Бастапқыда MEB платформасына негізделген модельдің бес орынды жолаушы және жүк тасымалдайтын түрленімдері сатылады. Екі көлікке де 204 ат күшіне (310 Нм) ие электрлі мотор мен 82 кВт·сағ батарея орнатылады. Жүріс қоры 400-450 шақырымға жетеді.
Болашақта топтама дөңгелек базасы ұзарған (3300 мм), жеті орынды, толық жетекті және акумуляторының сыйымдылығы жоғары көліктермен толығады деген болжам бар.
Салоны марканың басқа электрлі модельдеріне ұқсайды. Мұнда аспаптар панелінің орнына экран, мультимедиа кешенінің 12 дюймдік планшеті мен бір-екі дәстүрлі батырманы байқауға болады. Бренд өкілдері әрлеуде экологиялық материалдар қолданылғанын айтады, ал орындықтар қайта өңделген шикізаттан жасалған синтетикамен қапталыпты.
Электронды көмекшілер тізімі үлкен, тіпті базалық көлікке автоматты тежеу және жолақты бақылау жүйесі орнатылған. Бірақ бейімді круиз-бақылау үшін қосымша ақша төлеуге тура келеді.
ID. Buzz өндірісі 2022 жылы жазда басталып, күзде сатылымға шығады. Жолаушы тасымалдайтын машинаның Еуропадағы бағасы 55 мың еуродан басталса, жүк көлігін 48 мың еуроға алуға болады.
Комментариев: 0