Volkswagen Ресейге қайта оралды ма?

FAW Group шығаратын Jetta VA3 (VW Polo-ның сыңары), Jetta VS5 (Tiguan-ның аналогы) және басқа модельдер бірнеше жылдан бері Ресейге еш қиындықсыз кіріп жатыр. Алғашқы көліктер елге параллель импорт схемасымен жеткен. Бренд Ресейде биыл шілденің басында ресми түрде орнықты.

Жақында немістер бұл өзара тиімді келісімге назар аударды. Jetta жарнамасындағы «неміс технологиясы», «еуропалық сапа» және «неміс қаны бар кроссовер» деген сөздер Zeit тілшілерінің шамына тигенге ұқсайды.

Басылым осы мәселе бойынша Volkswagen-ге жүгініпті, бірақ компания қытайлық «фольксвагенді» жеткізуден хабары жоқ екенін айтқан. No Limits телеграм-каналы сұрау салғаннан кейін бір күн өткен соң, Jetta сайты істемей қалғанын хабарлады, бірақ оның кэштелген нұсқасы желіде сақталған.

Jetta-ның Ресейдегі өкілдігінің тағдыры әзірге белгісіз.