Volkswagen Қытайға жаңа электроседан ұсынады

Бірнеше күн бұрын ғана саудаға шыққан ID. Unyx 08-дің ізін ала марка осы топтамаға қосылған тағы бір көлікті көрсетті, бірақ ол кроссовер емес, 5 метрлік седан.

ID. Unyx 09 атауын алған автомобильдің дизайны брендтің басқа көліктеріне ұқсамайды, денесі ұзыншақ, бүйірі бедерлі, сегменттелген жіңішке жарық техникасы бар.

1 / 5

• 
• 
• 
• 
• 

1 / 5

Марка машинаны Xpeng-пен бірге әзірледі, сондықтан платформасы да, кейбір технологиялық элементі де аспан асты еліндегі фирмаларға тиесілі.

VW седанның техникасына қатысты толық ақпарат бермеді, дегенмен агрегаты ID. Unyx 08-бен бірдей деген болжам бар. Яғни, ол да 82 және 95 кВт батареядан қуат алатын, 312 және 500 ат күшін беретін қос моторлы күштік құрылыммен жабдықталуы мүмкін. Паркетник соның арқасында 630-730 шақырымды еркін еңсереді, ал төрт есікті автомобиль одан сәл ұзақ жүретін сияқты.