Volkswagen-нің жүк көлігін шығаратын еншілес компаниясы Traton Group америкалық бәсекелесі Navistar International-ды сатып алғанын хабарлады. Немістер 83.3 % акцияны алуға 3.7 млрд доллар жұмсады.
Navistar 1902 жылы құрылып, жүк таситын және ауылшаруашылық саласында қолданылатын машиналар шығарумен айналысқан, бірақ 1984 жылы ісі өрге баспай, құрдымға кетеді. 1986 жылы қайта атауын ауыстырып, жұмысын жалғастырды. Штаб-пәтері Иллинойс штатында орналасқан компанияда 13 мың адам жұмыс істейді.
Қос тарап келесі жылдың ортасында мәмілеге келуі тиіс. АҚШ нарығындағы жүк көліктерінің небәрі 2 %-ы Volkswagen-нің, ал 15 %-ы Navistar-дың үлесінде екенін ескерсек, бұл келісімнің немістер үшін маңызы зор. Traton америкалық нарықпен шектелмей, Азия аумағында да қарқынды дамып келеді.
Комментариев: 0